பசுமை படர்

பசுமை படர் காட்டைப் பார்த்தீரா
பசுக்கள் மேய்வதையும் பார்த்தீரா
புதுங்கி வந்த புலியைக் கண்டு மிரண்டீரா

கள்ளிக்காட்டுக்கு வந்தீரோ
வள்ளி என்னைக் கண்டீரோ
புள்ளி மான் ஓடும் வேளையிலே நின்றீரோ
தள்ளிப் போய் அம்பு எடுத்து குறி வைத்தீரோ

அது ஒரு கனாக்காலம்
அவை காணாமல் போனது
இக் காலம்

அன்று நிரை நிரையாக நின்று
மரம் துளிர் விட்டது
இன்று திரை போட்ட வீடு
இருந்து அழுப்பபூட்டுது

வற்றாத நீருக்கு வழி வகுக்கும்
தொற்று நோயையும் தீர்த்து வைக்கும்
காற்றை தூய்மையாக்கி கொடுக்கும்
நாற்று நட்டவனை வாழவைக்கும்

மரக்கிளையில் கூடு கட்டும்
பறவைக் கூட்டம்
மரணத்துக்குப்பின்னே சுமக்க
குச்சு தேடுவதோ மனிதர் கூட்டம்

இயற்கையை அழிக்கிறான்
செயற்கையை வளர்க்கிறான்
காடு காக்கப்பட வேண்டும்
நாடு போற்றப்பட வேண்டும்