விட்டுப் போகாதே

விழி வழியே என்
இதயம் நுழைந்து /
நிறுத்தாமல் கதை பேசி /
நெருக்கமாய் வந்து /
எனது உள்ளம் தொட்டு /

குருதியோடு கலந்து /
காதல் நரம்பு தொட்டு /
இறுதி வரை நீயேதான்  /
துணை என்று ஆன பின்னே /
காதல் உறுதி மொழி பரிமாறிக் கொண்டோம் /

வாழ்வு என்னும் சொர்க்கத்தை /
வாழ்ந்து பார்த்திடவே /
இல்லறம் என்னும் நல்லுறவை /
அமைத்திட முடிவும் எடுத்து விட்டோம் /

முத்தங்கள் இடம் மாறி இன்புற்றோம் /
மோத்தை முற்றிட விட்டோம் /
காமத்துப் பால் வரிகள் தேடிப் படித்தோம் /
கற்பனைகளை பெருக்கி வந்தோம் /

உணர்வு என்ற தெறி எடுத்து/
உணர்ச்சி வலை முடித்தோம் /
எத்தனையோ  ஆசைகளை முன்
நிறுத்தி வைத்தோம்  /
அத்தனைக்கும் கொள்ளி வச்சு விட்டு /
என்னையும்  நீ தள்ளி வச்சு /
எனை  விட்டுப் போகாதே /