அழகோவியம்

பொன்னில் செய்த மங்கையா
பூவில் இருந்து உதிர்ந்த இதழா

தேனும் தினை மாவும் திருடிச்
செய்த உடலா
இவள் உடை பட்டு நூலா

இல்லை மயில்
தானம் கொடுத்த இறகா
இவள்
தலையில் கருமேகம் தவறி விழுந்ததா
இல்லை தானாக விழுந்து தவம்
என ஒட்டிக் கொண்டதா

இது என்ன
கண்ணா  இல்லை  அமாவாசை
நிலவா
சுத்தி இருப்பது இமையா
இல்லை தென்னங் கீற்றா

பட படவென அது அடிப்பது காற்றில்
தென்னங் கீற்று அசைவது போல் உள்ளதே

அவள் சிரித்தால்  தனி அழகு
கடல் அலை விரியும் போது
தோன்றும்  வெள்ளை   நுரை
போல் பல்அழகு 

அவள் காலில்
ஒட்டிக் கொண்ட கொலுசும்
சிணுங்க மறந்து மௌனம்
காக்கிறது அவள் உடலில் ஒட்டிக்
கொண்ட மயக்கத்தில் தன்னை  மறைந்து