அரசியலும் நட்சத்திரங்களும்

எழுந்து நடக்கவே இயலாத முதியோர் முதல்
ஆயிரம் தடவை விழுந்து எழக் கூடிய
இளையோர் வரை முதல்வர் ஆசை
பெரிகி விட்டது அதிகார மோகம்
உச்சி முதல் உள்ளங் கால் வரை வளர்ந்து
விட்டது  சினிமாக் காரர்களின் நெஞ்சினிலே

கமரா முன் ஆட்டம் போட்ட கூட்டமெல்லாம்
ரோட்டு மேல மேடை யிலே போடுதையா
பிரச்சாரக் கூட்டம் சரன் வைத்த வாகனத்தில்
வீதி உலா செல்லும் ஆசை எழுந்து விட்டதனாலே

எம். பி. பதவி வரையாவது எட்டிப் பிடிப்போம்
என்று கூப்பாடும் கும்மாளமும் போடுதையா
நட்சத்திரப் பட்டாளம் விண் உலகில் மின்னும்
நட்சத்திரமாக தங்களை எண்ணிக் கொண்டு

நாற்காளிக் கனவில் துள்ளுதையா சினிமா
நட்சத்திரங்கள்  முதல்வர் ஆகும் முன்பே
உண்மையான மன சாட்சியோடு ஆட்சி
நடத்தியவர்களை நினைத்துப் பார்த்தால்
முதல்வர் ஆசை மறந்து விடும் பதவி
ஆசை பறந்து விடும்.

தனக்கு அத்தகைய திறனும் மனசும் இல்லை
என்பது புரிந்து விடும் கால்கள் தானாக
அடைங்கி விடும் மறைந்துள்ள மனிதநேயம் 
எழுந்து விடும் மனிதனாக வாழ விழி வழி
காட்டி விடும்

இல்லையெனில் தொல்லை தொடர்ந்து விடும்
இவை சினிமா போல் வாழ்கை இல்லை என்று
விமர்சனங்கள் நாள் தோறும் பாடம் புகட்டி விடும்
தமிழ் நாள்  ஏட்டுக்கு மௌசு ஏறி விடும்

அகில உலக தமிழர் பார்வையும் இந்தியாவை
வந்தடையும் இருந்தும் சாதி வெறி மதக் கொலை
கற்பழிப்பு கடத்தல் வெட்டுக் குத்து விடை
பெறாமல் ஒட்டியே வாழ்ந்து வரும் 
ஆட்சியில் அமர்த்தும் முன் அலசி உதறிப்
பாருங்கள் மக்களே பதப்படுத்த முடியுமா? என்று.