தமிழன்

இரத்தத்தோடு கலந்து
ஓடுபவை தான் தமிழ் /
பற்பொடியாக நினைத்து
வாயோடு மட்டும் நிறுத்திக்
கழுவி விட்டுப் போனால்
நீ என்ன தமிழன் /

வண்ணத் தமிழை
எண்ணப் படி கொண்டு /
எண்ணில் அடங்காக் கவி புனைந்து /
காண்பவர் கண் வியக்கும் வண்ணம் /
கலப்பில்லாத் தமிழ் மொழியில் /
சொல்லி முடிப்பான் திறம் பட தமிழன் /

விந்தை புரியும் தமிழன்/ மந்தையில்லையென
சொல்லி நிற்பான் /
அடுத்தடுத்து எத்தனையோ மொழி /
அத்தனைக்குள்ளும் நுழைந்து பார் /
சுவைமிக்க மொழி தமிழ் மொழியென /
தலை நிமிர்ந்து உரைப்பான் /
தமிழ் பற்று உள்ள தமிழன் /

தமிழ் அன்னையின் கருவில் உருவெடுத்து/
தமிழ் பால் குடித்து / தமிழையே பயின்று/
தாய்க்கு நிகரான தமிழை சாகடித்து /
அடுத்தவன் மொழியை இரவல் பெற்று /
உரைத்து மகிழ்ந்திடவே நினைத்திட  மாட்டான் /உண்மையான தமிழன் /