ஆயுள் கைதி

திருட்டுத் தனமாய் 

இருட்டு இதயறையில்/

எலும்பிலும் முட்டாமல் 

குருதியிலும் தட்டாமல்/

நுழைந்து விட்டாய் /

நுழைந்த நீ நெஞ்சணையில் /

உறங்கிட வேண்டியவை தானே /

இல்லையெனில் ஒரு ஓரமாய்/

கம்முனு இருந்து தொலைந்திடலாமே/

உறக்கத்தைக் களைக்கிறாய் /

உணர்ச்சியைக் கிள்ளுறாய் /

உணர்வைக் கொல்லுகிறாய்/

உடலுக்குச் சூடு ஏற்றுகிறாய் /

ஆசைகளைக் கொடுக்கிறாய் /

பாசத்தைக் கேட்கிறாய்/

மோகத்தை உசுப்புறாய்/

உள்ளத்திலே துள்ளுகிறாய்/

உதட்டைக் கனவில் மெல்லுகிறாய் /

உள்ளுணர்ச்சியில் 

என்னன்னமோ செய்கிறாய் /

உடையைக் கலைகிறாய் /

இடையைத் தேடுகிறாய்/

மச்சம் எண்ணிப் புன்னகை புரிகிறாய் /

இச்சுக் கொடுத்து முத்த யுத்தம் செய்கின்றாய்/

சேலையைக் கசக்குகிறாய் /

கூந்தலைக் கலைக்கிறாய் /

வேர்வைத் துளிகளை அழைக்கிறாய்/

மூச்சின் வேகம் பெருக்கிறாய் /

 உத்தரவு இன்றி உள்ளே 

நுழைந்தது  முதல் குற்றம் /

இத்தனை மாற்றம் என்னில் 

விதைத்தது இரண்டாம் குற்றம்/

ஒன்றும் அறியாதவர் போல் 

காதல் தோட்டம் நட்டு காமப் 

பூ பறிப்பது மூன்றாம் குற்றம் /

குற்றத்துக்கு மேல் குற்றம் 

புரிந்த உன்னைக் ஓமகுண்டம்

அருகே அமர்த்துவேன் வாதாடி

போராடி ஆயுள் கைதியாக்குவேன்/