ஏற்புரை

பெற்றோரை வணங்கி
தமிழைப் போற்றி
தமிழ் மண்ணை மதித்து
தமிழை வளர்க்கவும்
தமிழை வாழ்த்தவும்
மிகத் தொலை தூரத்தில்
இருந்து வருகை
தந்திருக்கும் தமிழ்
நெஞ்சங்கள் அனைவருக்கும்
இந்த சிறிய தமிழ் மகளின்
இனிய வணக்கங்கள்  

கரை சேராத படகு  என்னும் என் 
கற்பனைக் கருக்குழந்தையை
கரை சேர்க்க துடுப்பாய் துடிப்போடு
கூடியுள்ள உறவுகளே 

குயில் குப்பம் போல்
குடிசைகளும் கூட்டமாய்  பறவைகள்
வாழும் பச்சைக் காடுகளையும்
ஓயாது ஓசை கொடுக்கும்  ஆழ் கடலையும்
நிரை நிரையான பனை மரங்களையும்
கொண்ட அழகிய சிறிய கிராமத்துக்
குயில் தான் உங்கள் கலா 

அப்படியான ஓர் இடத்தில் இருந்து வந்திருக்கும்
என் எழுத்து வடிவை ரசித்தோரையும்
சுவைத்தோரையும் தூற்றியோரையும்
போற்றியோரையும்  விமர்சனம் செய்தோரையும்
வாழ்த்தியோரையும் வரவேற்கின்றேன்
உங்கள் கருத்துக்களை நான் முழுமனதோடு
ஏற்றுக்கொள்கின்றேன் 

தடக்காத கால்கள் இல்லை தடக்கி விழுந்து
எழுவதுதான் முயற்சிக்கு முதல் புள்ளி
அதுபோல் தான் எனது இலக்கியப் பயணமும்  
தட்டிக் கொடுப்போரை மட்டும் இல்லை தட்டி
வீழ்த்துவோரையும் நான் மதிக்கின்றேன்
காரணம் எனக்குள் இருக்கும் தன் நம்பிக்கையை
தட்டி விடும் உறவு அவர்கள் தான் 

ஆம் இன்று உங்கள் முன் நான் மேடையில்
என்றால்  என்னை தட்டிக் கொடுத்தோரை விட
தட்டி வீழ்த்த நினைத்தோரோ காரணமாக
இருப்பார்கள்  என்னை வார்த்தையாலும்
கருத்தாலும் சிப்பமாக்கியவர்கள்  அவர்களே தான்
என் ஆசான்கள் .

முகநூலில் கிடைத்த முத்து  நட்பாகக் கிடைத்த
சொத்து இந்த துறை முகத்தில்
பிறந்தவளுக்கு துறை முகத்தில்
இருந்து கிடைத்த அன்பு தோழன் துரை
முகநூலில் கவிப்பயணத்துக்கு பாதை
போட்டான்  உலகுக்கு என்னை அடையாளம்
காட்டியது  சகோதரி  ஹிதாயா   இவர்களுக்கு
என்றும் கூறுவேன் நன்றிகள்

தூக்கம் விழித்து தொலைவில்
இருந்து வாழ்த்த வந்த அனைவருக்கும்
தடாகம் கலை இலக்கியவட்டத்துக்கும்
எனது மனநிறைவோடு இரு கரம் கூப்பிய நன்றிகள் 

(என் நூல் வெளியீட்டின் போது நான் உரைத்த ஏற்புரை
உள்ளத்தில் இருந்து வந்தவை) )