காணவில்லை

என்னோட செல்லத்தை தொலைத்து விட்டேன்.
தொலைத்த இடம்  பள்ளமோ வெள்ளமோ
நான் அறியேன் .........////

வீசிய புயல் வேகமாக இழுத்துச் சென்றதோ
கொட்டிய மழை நீர் புரட்டிக் கொண்டு
அலையோடு இணைத்து விட்டதோ 
நான்  அறியேன்   காணாமல் தேடுகின்றேன்
கண்ணீரால் வலை வீசுகின்றேன் ........//////

கண்டு பிடிப்போருக்கு கொண்டு தருவேன் பரிசு
அங்க அடையாளம்  அவசியம்
தங்கு தடை இன்றி சொல்ல  முடியாத ரகசியம் ........////

வால் இல்லை கால் உண்டு 
தலை மேலே முடியுண்டு
காந்தக்கண்ணிரெண்டு 
கடுப்பாகும் குணம் உண்டு ...///

அதற்காக அடுப்பங்கரை பக்கம் தேடாதீர்கள்
அடுப்புக்கும் செல்லத்துக்கும்  எவ்விதமான
தொடர்வும்  இல்லவே   இல்லை.
புடலங்காய்  உருவமும்  இல்லை
பூசணிக்காய் வயிறும்   இல்லை .....////

பாசமிக்க உள்ளம்  பயமுறுத்தும் தோற்றம்
வேற்று மொழியில்   இல்லை  நாட்டம்
தேன் தமிழை சுவைக்கும்  சிறந்த  பிள்ளை .......//////

விரைவாக கண்டு பிடியுங்கள்
மலிவான பரிசுப் பொருளை பெற்றுச்  செல்லுங்கள்
அன்று  நான்  கண்ட   செல்லம் போல்
என் நாளும் திருந்தி வரச் சொல்லுங்கள் ......//////