காதலினாலே இன்ப நீர்
கசிந்த விழிகள் /
தோல்வியின் நோவிலே
சிவந்து கானல்நீர் வடிக்கிறது/
அன்று காதல்
களிப்புற்ற உள்ளம் /
இன்று சோர்வுற்றுப் போகிறது /
காதல் மகிழ்வினிலே
கொழுத்த உடல் /
மெழுகாய் உருகி மடிகிறது/
காதல் கடலில்
குளித்த இதயம் /
சதியின் வலையில்
சிக்கித் துடிக்கிறது/
காதலோடு
பின்னிய நரம்பு /
காமத்தோடு
சண்டையிட்டு நொறுங்கியது/
ஆசை நீர்
கலந்தோடிய செங்குருதி /
வேகம் குறைந்து
குருதிப்புனலோடு தங்கியது/
காதலிலே சிக்கிய நெஞ்சம்/
கவலையென்னும் தீக்
குழம்பில் குதித்து எரிகிறது/
முத்தங்கள் பரிமாறிய
கன்னங்கள் /
கண்கள் வடிக்கும் உப்புத்
தண்ணீரிலே ஊறுகாயானது /
இறுதி மூச்சு இன்னும்
இருக்கின்றது /
அது முறிந்த காதலின்
முகவரி தேடியே அலைகின்றது /
No comments:
Post a Comment