ஒத்தையில காத்திருக்கேன்

ஒத்தையில காத்திருக்கேன்/
ஒவ்வொரு நாளும்
வழி பார்த்திருக்கேன்/
ஒத்தச்சொல்
உரைத்து விரைந்தவரே/
ஒண்ணொண்ணா
நாள் எண்ணிக் காத்திருக்கேன் /

பெத்தவங்க மத்தவங்க
பார்த்து வச்ச வரனையும்/
வேணாமுன்னு சொன்ன
படி காத்திருக்கேன்/
ஏ -அத்த பெத்த சின்னமவ
உனக்காகக் காத்திருக்கேன் /

ஏரிக்கரை தோப்புக்குள்ளும் /
ஏற்றம் இறைக்கையிலும் /
ஈர உடையோடு இறுக்கிப் பிடித்து
அந்த ஓர் வாத்தை உரைத்தவரே /

ஒத்தைப் பாதை
பாலம் கடக்கையிலே/
ஊர் அடங்கும் வேளையிலே/
ஓடி வந்து ஒத்த
மலரைக் கொடுத்தவரே/

நீர் அற்று நா வறண்டு கிடக்க/
கண்ணீர் வடித்த படி விழி இருக்க/
உணர்வு இழந்த உடலோடும்/
உள்ளத்திலே ஓட விட்ட
உன் நினைவோடும்/
திண்ணை ஓரத்தில்
ஒத்தையிலே காத்திருக்கேன்/