உன் பெயர் உலகில் ஒளிரட்டும்…

விண்மீனும் வியந்து பார்க்கும் வித்தகனே

வீரத்தின் வடிவாய் நிற்கும் மன்னவனே

வார்த்தையால் உலகை வெல்லும் கவிஞனே

வாழ்வின் வழிகாட்டும் நல்லவனே…/

கடல் போல் ஆழ்ந்த எண்ணம் கொண்டவனே

கருணையின் கரம் நீட்டும் மனிதனே

கண்முன் நியாயம் தேடும் நெஞ்சமே

காற்றில் கூட கதை சொல்லும் செல்வமே…/

ஆணவம் உன்னில் இடம் பெறாதே

அன்பே உன் ஆயுதமாக வாழுதே

அறிவு உன் பாதை ஒளி சேர்க்குதே

அழகாய் உலகம் உன்னை ஏற்குதே.../

தோல்வி வந்தால் தளராத மனமே

துணிவோடு எழும் உயர்ந்த குணமே

தரணியை வெல்லும் நல்ல எண்ணமே

தர்மத்தின் பக்கம் நிற்கும் சின்னமே…/

சொல்லில் மட்டும் அல்ல செயலிலும் வாழ்க

சோதனை வந்தாலும் சிரித்து நீ வாழ்க

உண்மை உன் நிழலாய் தொடரட்டும்

உன் பெயர் உலகில் ஒளிரட்டும்…/

ஆர் எஸ் கலா