குருதி கலந்த நிலத்திலே 

குழி போட்டு /

தூய்மை நீர் என்று 

அருந்திய கூட்டம் நாங்கள் /

பட்டு மெத்தையிலே 

ஆரிரரோ பாட்டுக் கேட்டு /

தூங்கி எழுந்த கூட்டமில்லை  /

செல் ஓசையிலும் 

குண்டு மழையிலும்/

திட்டுத் திட்டான காட்டுக்குள்ளே /

குட்டிக் குட்டி 

உறக்கம் போட்டு /

எழுந்த கூட்டம் நாங்கள்   /

சிட்டுக்குருவியின் இசையிலும் /

சீறும்  நாகத்தின் அருகிலும் /

பன்றிப் பாழிலும் பதுங்கி இருந்து 

வாழ்ந்த கூட்டம் நாங்கள் /

சரசரக்கும் சாரைக்கும்

ஊளையிடும் நரிக்கும் / 

நடிங்கிடுமோ நெஞ்சம் கூறுங்கள்   /

ஆர் எஸ் கலா